Om kunden

Handelsgruppa i Førde Industri og Næringssamskipnad (FINS) arrangerer Nattope i Førde saman med Alti Førde og Elvetorget. Fredag 13. november 2026 held butikkane ope om kvelden med tilbod, god stemning og trekning av premiar til ein samla verdi på over 200 000 kroner.

Utfordringa

Nattope skal samle heile Førde til handel på ein kveld. Då må bodskapen vere enkel: når er det, korleis blir du med og kvar leverer du kupongen din. Det same uttrykket må fungere på ein plakat i butikkvindauget, i ei lita avisannonse og i ei stories-rute på mobilen.

Det vi laga

Vi laga eit visuelt uttrykk som er lett å kjenne att same kvar du ser han. Ut frå det laga vi trykkannonser i fleire format, plakat i A3 til butikkane og innhald til Facebook og Instagram.

Slik fungerer Nattope

Kundane får ein bong for kvart kjøp over 100 kroner i butikkane som er med. Bongane leverer dei i boksane som er plasserte på Alti, Elvetorget og Extra Kronborg innan kl. 19.30.

Trekninga føregår kl. 21 på Torgplassen ved Elvetorget. Du må vere til stades for å vinne.