Nordic Mining trengte ein ny grafisk profil. Vi har utvikla og levert ein komplett visuell identitet til dei, der berre den eksisterande logoen var igjen frå tidlegare profil.

Utfordringa

Nordic Mining driv fram ei moderne og innovativ mineralnæring, med både lokale og internasjonale målgrupper. Selskapet trengte ein grafisk profil som kunne bere den bodskapen på tvers av flater og marknader. Berre logoen skulle bli med vidare frå den gamle profilen.

Løysinga

Mykje research og innsikt ligg bak den nye identiteten. Saman med Nordic Mining kartla vi fem kjerneord som alt vidare design måtte svare på: innovative, seriøse, berekraftige, stødige og opne. Ut frå desse utvikla designaren vår Ann-Sofi ein ny fargepalett, designelement, mønster og font som selskapet kan kjenne seg att i og bruke på mange ulike måtar.

Ann-Sofi og Karen har saman med resten av teamet i Vookal gjort ein strålande jobb med å utvikle ny visuell profil for Nordic Mining! Vi har fått ei skikkeleg oppgradering samtidig som sjela i selskapet har blitt bevart. Vi ser fram til å ta profilen i bruk både lokalt og internasjonalt!

Tone Løtuft · Kommunikasjonsleiar, Nordic Mining

Resultatet

Nordic Mining har fått ein komplett visuell identitet som fungerer både lokalt og internasjonalt, og som tek vare på sjela i selskapet. Vi har blitt godt kjende med eit selskap som har mange omsyn å ta i kommunikasjonen sin, og det har vore spennande og utfordrande å gå i djupna av prosjektet.

Takk for eit spennande og kjekt prosjekt!