logo
Blogg

Visste du at Noreg var det første landet i Europa som fekk ei fungerande landslov?

Bilde av Visste du at Noreg var det første landet i Europa som fekk ei fungerande landslov?

For 750 år sidan var blant anna Audun Hugleiksson frå Ålhus med på å lage denne lova. For å feire dette, vert det jubileumshelg med fagdag, middelaldermarknad, intimkonsertar, matgilde og mykje meir på Ålhus.

Vår grafisk designer Kristin står bak den grafiske profilen for feiringa på Ålhus og har utvikla eit elegant emblem, lekre fargar og stilfulle element som står i stil med den nasjonale identiteten for jubileet. 


Emblemet består av ei samanfletting av bokstavene A og H som uttrykker ei kjensle av einheit og harmoni. Avslutninga på bokstavane er forma som ei stilisert lilje, Audun Hugleiksson sitt ”symbol”. Lilja er eit symbol på moderligheit, fruktbarheit, styrke, truskap, uskuld og håp. 


Dette emblemet utstrålar ei kjensle av høgtid og stil, som saman med fargevalet formidlar verdigheit, seriøsitet, styrke og rettferdigheit. 


Vi takkar for oppdraget, og ynskjer Sunnfjord Kommune lykke til med jubileumsåret. 

Portrettbilde av Emil Rasmussen

Publisert for tre månader sidan av

EMIL RASMUSSEN

|

Utviklar / fotograf

Les meir om Emil

Kategori: Nytt